అతి పరిశుద్ధుడా స్తుతి నైవేద్యము – నీకే అర్పించి కీర్తింతును
నీవు నా పక్షమై నను దీవించగా
నీవు నా తోడువై నను నడిపించగా
జీవింతును నీ కోసమే – ఆశ్రయమైన నా యేసయ్యా
1. సర్వోన్నతమైన స్థలముల యందు – నీ మహిమ వివరింపగా
ఉన్నతమైన నీ సంకల్పము – ఎన్నడూ ఆశ్చర్యమే
ముందెన్నడూ చవి చూడని – సరిక్రొత్తదైన ప్రేమా మృతం
నీలోనే దాచావు ఈనాటికై – నీ ఋణము తీరదు ఏనాటికీ
2. సద్గుణ రాశి నీ జాడలను – నా ఎదుటే నుంచుకొని
గడిచిన కాలం సాగిన పయనం – నీ కృపకు సంకేతమే
కృప వెంబడి కృప పొందగా – మారాను మధురముగా నే పొందగా
నాలోన ఏ మంచి చూశావయ్యా – నీ ప్రేమ చూపితివి నా యేసయ్యా
3. సారెపై నున్న పాత్రగ నన్ను – చేజారి పోనియ్యక
శోధనలెన్నో ఎదిరించినను – నను సోలి పోనియ్యక
ఉన్నావులే ప్రతి క్షణమునా – కలిసున్నావులే ప్రతి అడుగునా
నీవేగా యేసయ్య నా ఊపిరి – నీవేగా యేసయ్యా నా కాపరి
No comments:
Post a Comment