నీవు తోడైయుండగా యేసు – భయము లేదు ఇలలో
మేలు చేయు దేవుడా నీకు – సాటి లేరు సృష్టిలో
ఎక్కలేని కొండలెన్నో ఎదురొచ్చిననూ
లెక్కలేని నిందలే నన్ను బాధించిననూ ||నీవు తోడైయుండగా||
గతం గాయాన్ని చేయగా – గాయం హృదయాన్ని చీల్చగా
శోకం సంద్రంలా ముంచగా – లోకం బంధాలే తెంచగా
పేరు పెట్టి తల్లిలా పిలచి లాలించితివి
నీవే తోడు నీడగా నిలచి కృప చూపితివి ||నీవు తోడైయుండగా||
ఆశ నిరాశగా మారినా – నిరాశ నిస్పృహ పెంచినా
యుక్తి తెలియక తిరిగినా – శక్తి క్షీణించిపోయినా
వెన్ను తట్టి తండ్రిలా నిలిపి నడిపించితివి
నీవే కొండ కోటగా నిలిచి బలపరచితివి ||నీవు తోడైయుండగా||
నీవు నాకు అండగా నిలచి – దారి చూపినావయ్యా
నేను నీకు మెండుగా స్తుతులు – అర్పించెదను
No comments:
Post a Comment